Divine Light Online

କଳା – ଜୀବନଯାପନର

ସାଧାରଣତଃ ତୁମକୁ ବହୁତ କମ୍ କଥା ଶିକ୍ଷା ଦିଆ ଯାଇଥାଏ – ଏପରିକି କିପରି ଶୋଇବାକୁ ହେବ ତା’ ବି ତୁମକୁ ଶିକ୍ଷା ଦିଆ ଯାଇ ନ ଥାଏ । ଲୋକମାନେ ଭାବନ୍ତି ଖାଲି ବିଛଣାରେ ଗଡ଼ି ପଡ଼ିଲେ ଶୋଇବା ହୋଇଗଲା । କିନ୍ତୁ ଏହା ଠିକ୍ ନୁହେଁ ! ତୁମକୁ ଶିକ୍ଷା କରିବାକୁ ହେବ କିପରି ଶୋଇବାକୁ ହୁଏ, ଯେପରି ତୁମକୁ ଶିକ୍ଷା କରିବାକୁ ହେଉଛି କିପରି ଖାଇବାକୁ ହୁଏ ଓ ଅନ୍ୟ କାର୍ଯ୍ୟ କରିବାକୁ ହୁଏ । ଯଦି ତୁମେ ଗୋଟିଏ କଥା କିପରି କରିବାକୁ ହୁଏ ତା’ ଶିକ୍ଷା ନ କର, ତେବେ କଥାଟିକୁ ତୁମେ ଖରାପ ଢଙ୍ଗରେ କରିଥାଅ ! କିଂବା ତୁମେ କଥାଟିକୁ କିପରି କରିବାକୁ ହେବ ତାହା ଜାଣିବା ଲାଗି ବର୍ଷ ବର୍ଷ ଲାଗିଥାଏ ଓ ଏହି ସମୟ ମଧ୍ୟରେ ତୁମେ ଯେତେବେଳେ କଥାଟିକୁ ଖରାପ ଢଙ୍ଗରେ କର, ସେଥି ଜନିତ ସବୁପ୍ରକାର ଅପ୍ରୀତିକର କଥା ଘଟୁଥାଏ । ଏହିପରି ବହୁତ କଷ୍ଟ ଭୋଗିବା ପରେ, ବହୁତ ଭୁଲ୍ କରିବା ପରେ, ଅନେକ ନିର୍ବୋଧତା ପ୍ରକାଶ ପରେ, ତୁମେ ବୁଢ଼ା ହୋଇ ତୁମେ ପକ୍ଵ-କେଶଯୁକ୍ତ ହେଲା ବେଳକୁ ଧୀରେ ଧୀରେ ତୁମେ ଗୋଟିଏ କଥା କିପରି କରିବାକୁ ହୁଏ ତାହା ଜାଣିଥାଅ । କିନ୍ତୁ ତୁମେ ଯେତେବେଳେ ଖୁବ୍ ଛୋଟ ହୋଇଥାଅ ସେତେବେଳେ ଯଦି ତୁମର ପିତାମାତା କିଂବା ତୁମର ଯତ୍ନ ନେଉଥିବା ବ୍ୟକ୍ତିମାନେ ତୁମେ ଯାହା କରୁଛ ତାକୁ କିପରି ଠିକ୍ ଭାବେ ଯଥାର୍ଥ ମାର୍ଗରେ କରିବାକୁ ହୁଏ ତାହା ଶିକ୍ଷା ଦେବାର କଷ୍ଟ ସ୍ୱୀକାର କରନ୍ତେ ତେବେ ତାହା ତୁମକୁ ବର୍ଷ ବର୍ଷ ଧରି କରି ଆସୁଥିବା ଭୁଲ୍ ସବୁକୁ ଏଡ଼େଇ ଦେବାରେ ସାହାଯ୍ୟ କରି ପାରନ୍ତା । ତୁମେ ଖାଲି ଯେ ଭୁଲ୍ କରିଥାଅ ତା’ ନୁହେଁ, ତୁମକୁ କେହି କହନ୍ତି ନାହିଁ ଯେ ତୁମେ ଭୁଲ କରୁଛି ! ଫଳରେ ତୁମେ ଯେତେବେଳେ ଅସୁସ୍ଥ ହୋଇପଡ଼, କ୍ଳାନ୍ତ ହୋଇପଡ଼, ଯାହା କରିବାକୁ ଚାହୁଁଛ ତାହା କିପରି କରିବାକୁ ହୁଏ ଜାଣିପାରୁ ନ ଥାଅ ସେତେବେଳେ ତୁମେ ଆଶ୍ଚର୍ଯ୍ୟ ହୋଇଯାଅ । ଆଉ ସେସବୁ କଥା ତୁମକୁ କେବେ ବି ଶିକ୍ଷା ଦିଆଯାଇ ନ ଥାଏ । କେତେକ ପିଲାଙ୍କୁ କିଛି ବି ଶିକ୍ଷା ଦିଆଯାଇ ନ ଥାଏ; ତେଣୁ ସେମାନେ ଗୋଟିଏ ସହଜତମ କଥାକୁ ଶିକ୍ଷା କରିବା ଲାଗି ବର୍ଷ ବର୍ଷ ଦରକାର କରିଥା’ନ୍ତି, ଏପରିକି ଅତି ମୌଳିକ କଥା, ଯଥା : କିପରି ପରିଷ୍କାର ପରିଚ୍ଛନ୍ନ ରହିବାକୁ ହେବ ।…

ଯଥାର୍ଥ ଢଙ୍ଗରେ ଜୀବନଯାପନ କରିବା ଏକ ଅତିଶୟ କଷ୍ଟକର କଳା । ତୁମେ ଯଦି ଏହାକୁ ଅତି ଛୋଟବେଳୁ ଶିକ୍ଷା କରିବାକୁ ଆରମ୍ଭ ନ କର ଏବଂ ସେ ଦିଗରେ ଟିକିଏ ଉଦ୍ୟମ ନ କର ତେବେ ତୁମେ ତାକୁ କେବେ ବି କିପରି ଖୁବ୍ ଭଲ ଭାବେ କରି ହେବ ତାହା ଜାଣି ପାର ନାହିଁ । ନିଜ ଶରୀରକୁ କିପରି ସୁସ୍ଥ ରଖୁବ, ମନକୁ କିପରି ନିଶ୍ଚଳ କରିବ, ହୃଦୟକୁ କିପରି ସଦିଚ୍ଛାସମ୍ପନ୍ନ କରିବ – ଯାହାକି ଟିକିଏ ଉନ୍ନତ ଢଙ୍ଗ ରେ ଚଳିବା ଲାଗି ଅପରିହାର୍ଯ୍ୟ ତାହା ତୁମକୁ ଶିକ୍ଷା କରିବାକୁ ହେବ । ମୁଁ କହୁ ନାହିଁ ଏକ ଆରାମଭରା ଜୀବନ କଥା, କିଂବା ଏକ ଉଲ୍ଲେଖନୀୟ ଜୀବନ କଥା, ମୁଁ ଖାଲି କହୁଛି ଟିକିଏ ଉନ୍ନତ ଜୀବନର କଥା । ଯାହାହେଉ, ମୁଁ ଭାବୁ ନାହିଁ ଯେ ନିଜ ପିଲାମାନଙ୍କୁ ଏସବୁ କଥା ଶିକ୍ଷା ଦେବାର କଷ୍ଟ ସ୍ବୀକାର କରିବା ଭଳି ବ୍ୟକ୍ତି ଅନେକ ଅଛନ୍ତି ବୋଲି।

ସ୍ନେହମୟୀ ମା, ଗୋଟିଏ ଶିଶୁକୁ ଆମେ ସବୁବେଳେ କିଛି ଚାହିଁବାର ଅଭ୍ୟାସକୁ ଅତିକ୍ରମ କରିବାରେ କିପରି ସାହାଯ୍ୟ କରିପାରିବୁ ?

ଏଥିଲାଗି ବହୁବିଧ ଉପାୟ ରହିଛି । କିନ୍ତୁ ପ୍ରଥମେ ତୁମକୁ ଜାଣିବାକୁ ହେବ ଯେ ସେ ଯାହା ଚିନ୍ତା କରୁଛି

କାମନା ତ୍ୟାଗ କର

ବୁଦ୍ଧଦେବ କହିଛନ୍ତି ଯେ ଗୋଟିଏ କାମନାକୁ ସନ୍ତୁଷ୍ଟ କରିବା ଅପେକ୍ଷା ତାକୁ ଜୟ କରିବାରେ ବୃହତ୍ତର ଆନନ୍ଦ ରହିଛି ।

No more posts to show

Share:

Share on whatsapp
Share on facebook
Share on twitter
Share on email
Share on telegram

Recent Posts

ଏକ ମହାନ୍ ଦୁଃସାହସିକ ଅଭିଯାନ

ଆମ୍ଭେମାନେ ଏକ ବିଶେଷ ଅସାଧାରଣ ଅବସ୍ଥା, ଅତିଶୟ ଅସାଧାରଣ ସ୍ଥିତି ମଧ୍ୟରେ ଆସି ପହଞ୍ଚିଛୁ, ଯାହାର ଦୃଷ୍ଟାନ୍ତ ନାହିଁ । ଆମ୍ଭେମାନେ ବର୍ତ୍ତମାନ ଏକ ନୂତନ ପୃଥିବୀର ଜନ୍ମୋତ୍ସବ ଅବଲୋକନ କରୁଛୁ । ଏହା

ବାହ୍ୟ ଶୃଙ୍ଖଳା

କେତେକ ବାହ୍ୟ ଶୃଙ୍ଖଳା କ’ଣ ସାହାଯ୍ୟ କରେ ନାହିଁ ? ଯଦି ତୁମେ ନିଜ ଉପରେ ଏକ ଶୃଙ୍ଖଳା ଆରୋପ କରିବ ଓ ତାହା ଅତିଶୟ ଏକ ନିର୍ବୋଧ ଆଚରଣ ହୋଇ ନ ଥିବ,

ପ୍ରବୃତ୍ତିର ସଂଯମ

ତୁମେ ଯେତେବେଳେ ଖୁବ୍ ଛୋଟଥାଅ ସେତେବେଳଠାରୁ ତୁମ ଶିକ୍ଷାଦାତାର କାର୍ଯ୍ୟ ଯେ ତୁମ ପ୍ରବୃତ୍ତିକୁ ସଂଯତ କରିବା ପାଇଁ ତୁମକୁ ଶିକ୍ଷା ଦେବା ଏବଂ ସେଇସବୁ କଥାକୁ କେବଳ ମାନିବାକୁ ଶିକ୍ଷା ଦେବା ଯେଉଁ

ସମର୍ପଣ ଏବଂ ଯୋଗ

ସମର୍ପଣ ହେଉଛି ତୁମ ଜୀବନର ଦାୟିତ୍ବ ଭଗବାନଙ୍କୁ ଅର୍ପଣ କରିଦେବାର ସିଦ୍ଧାନ୍ତ । ଏହି ସିଦ୍ଧାନ୍ତ ବିନା କିଛିବି ଆଦୌ ସମ୍ଭବ ହୁଏ ନାହିଁ । ତୁମେ ଯଦି ସମର୍ପଣ ନ କର ତେବେ

ଯଥାର୍ଥ ସମର୍ପଣ ତୁମକୁ ସଂପ୍ରସାରିତ କରେ

ସମର୍ପଣ ଅର୍ଥ ଆମେ ବୁଝୁ… ଏକ ସ୍ୱତଃସ୍ଫୂର୍ତ୍ତ ଆତ୍ମଦାନ, ଭଗବାନଙ୍କ ନିକଟରେ, ଏକ ବୃହତ୍ତର ଚେତନା ଯାହାର କି ତୁମେ ଏକ ଅଂଶ ତା’ ନିକଟରେ ନିଜର ସବୁକିଛିକୁ ଅର୍ପଣ କରିଦେବା । ସମର୍ପଣ

No more posts to show