Divine Light Online

ଯଥାର୍ଥ ଆବଶ୍ୟକତା ଓ କାମନା

ଯଥାର୍ଥ ଆବଶ୍ୟକତା ଓ କାମନା ମଧ୍ୟରେ ସୀମାରେଖା ଖୋଜି ପାଇବା ବଡ଼ କଷ୍ଟ ।… ସେ କ୍ଷେତ୍ରରେ ଆମେ ବାସ୍ତବରେ ଏକ ସମସ୍ୟାର ସମ୍ମୁଖୀନ ହେଉ ଯାହାକି ଆମକୁ ଅସାଧାରଣ ଭାବେ ଆନ୍ତରିକ ହେବା ଲାଗି ବାଧ୍ୟ କରେ, କାରଣ କାମନା ହେଉଛି ଏକମାତ୍ର ପ୍ରଥମ ମାର୍ଗ ଯାହା ମଧ୍ୟ ଦେଇ ପ୍ରାଣ ଜୀବନକୁ ସ୍ପର୍ଶ କରିଥାଏ – ତଥାପି ଆବଶ୍ୟକତା ରହିଛି । କିନ୍ତୁ କିପରି ଜାଣିବା ଯେ କିଛି କଥା କାମନା କରାଯାଉ ନାହିଁ, ତା’ ଯଥାର୍ଥରେ ଆବଶ୍ୟକ ?… ସେଥିଲାଗି ତୁମକୁ ନିଜକୁ ବହୁତ ବହୁତ ସତର୍କତାର ସହିତ ନିରୀକ୍ଷଣ କରିବାକୁ ହେବ, ଏବଂ ଯଦି ତୁମ ମଧ୍ୟରେ କିଛିଥାଏ ଯାହାକି ଏକ କ୍ଷୁଦ୍ର ତୀବ୍ର ସ୍ପନ୍ଦନ ଭଳି କିଛି କଥା ସୃଷ୍ଟି କରୁଥାଏ, ତା’ହେଲେ ତୁମେ ନିଶ୍ଚିତ ହେବ ଯେ ତୁମର କିଛି କାମନା ରହିଛି । ଉଦାହରଣ ସ୍ଵରୂପ, ତୁମେ କୁହ, “ଏହି ଖାଦ୍ୟ ମୋ ପାଇଁ ଆବଶ୍ୟକ” – ତୁମେ ବିଶ୍ଵାସ କର, ତୁମେ କଳ୍ପନା କର, ତୁମେ ଭାବ ଯେ ତୁମେ ଏଇ ଏଇ କଥାସବୁ ଦରକାର କର ଏବଂ ସେସବୁକୁ ଲାଭ କରିବା ନିମନ୍ତେ ତୁମେ ଆବଶ୍ୟକ ଉପାୟ ଉଦ୍ଭାବନ କର । ଯଦି ତୁମେ ଜାଣିବାକୁ ଚାହଁ ଯେ ଏହା ଏକ ଆବଶ୍ୟକତା କି କାମନା ତା’ ହେଲେ ନିଜ ଭିତରକୁ ଅତି ନିବିଡ଼ ଭାବରେ ଦୃଷ୍ଟି ପକାଅ ଏବଂ ନିଜକୁ ପଚାର, “ଏ ଜିନିଷଟି ଯଦି ମୁଁ ନ ପାଏ ତା’ହେଲେ ମୋର କ’ଣ ହେବ ?” ଯଦି ସଙ୍ଗେ ସଙ୍ଗେ ନିଜ ଭିତରୁ ଉତ୍ତର ଆସିବ, “ଓଃ, ସେ ଜିନିଷଟି ନ ପାଇଲେ ବହୁତ ଖରାପ ହେବ ।” ତେବେ ତୁମେ ନିଶ୍ଚିତ ରୂପେ ଜାଣିବ ଯେ ଏହା ଏକ କାମନା । ପ୍ରତି କଥାରେ ଏଇ ଏକାପରି ଘଟିଥାଏ । ତୁମ ଜୀବନର ପ୍ରତ୍ୟେକଟି ସମସ୍ୟାଲାଗି ତୁମେ ପଛକୁ ହଟି ଆସ, ନିଜ ପ୍ରତି ଦୃଷ୍ଟିପାତ କର ଏବଂ ପଚାର, “ଦେଖିବା, ମୁଁ କଥାଟା ପାଇବାକୁ ଯାଉଛି ତ ?” ଯଦି ସେହି ମୁହୁର୍ତ୍ତରେ ତୁମ ଭିତରେ କିଛି ଗୋଟାଏ ଖୁସିରେ ଡେଇଁପଡ଼େ, ତା’ହେଲେ ତୁମେ ନିଶ୍ଚିତ ରୂପେ ଜାଣିବ ଯେ ଏହା ଏକ କାମନା । ଅନ୍ୟ ପକ୍ଷରେ ଯଦି ତୁମ ଭିତରୁ ତୁମକୁ କିଛି କହେ, “ଓଃ, କଥାଟା ମୋତେ ମିଳିବାକୁ ଯାଉ ନାହିଁ”, ଏହା ସହ ତୁମେ ଯଦି ବହୁତ ହତାଶା ଅନୁଭବ କର, ତା’ହେଲେ ବି ଏହା ଏକ କାମନା ।

– ଶ୍ରୀମା

କାମନା ତ୍ୟାଗ କର

ବୁଦ୍ଧଦେବ କହିଛନ୍ତି ଯେ ଗୋଟିଏ କାମନାକୁ ସନ୍ତୁଷ୍ଟ କରିବା ଅପେକ୍ଷା ତାକୁ ଜୟ କରିବାରେ ବୃହତ୍ତର ଆନନ୍ଦ ରହିଛି ।

Share:

Share on whatsapp
Share on facebook
Share on twitter
Share on email
Share on telegram

Recent Posts

ସମର୍ପଣ ଏବଂ ଯୋଗ

ସମର୍ପଣ ହେଉଛି ତୁମ ଜୀବନର ଦାୟିତ୍ବ ଭଗବାନଙ୍କୁ ଅର୍ପଣ କରିଦେବାର ସିଦ୍ଧାନ୍ତ । ଏହି ସିଦ୍ଧାନ୍ତ ବିନା କିଛିବି ଆଦୌ ସମ୍ଭବ ହୁଏ ନାହିଁ । ତୁମେ ଯଦି ସମର୍ପଣ ନ କର ତେବେ

ସନ୍ୟାସୀର ମାର୍ଗ

ମା, ଆତ୍ମ-କର୍ତ୍ତୃତ୍ଵ ଲାଗି ସନ୍ୟାସୀର ପ୍ରଣାଳୀ ଅବଲମ୍ବନ କରିବା କ’ଣ ସମୟେ ସମୟେ କାର୍ଯ୍ୟରେ ଲାଗେ ନାହିଁ ? ନା ! ତା’ ଦ୍ଵାରା ତୁମେ କିଛି ବି ନିରାମୟ କରି ପାରି ନାହିଁ

ବିନମ୍ର ହେବାର ଠିକ୍ ଓ ଭୁଲ୍ ମାର୍ଗ କ’ଣ ?

ଏକଥା ବହୁତ ସରଳ । ଯେତେବେଳେ ଲୋକମାନଙ୍କୁ କୁହାଯାଏ ବିନମ୍ର ହୁଅ’, ସେମାନେ ସଙ୍ଗେ ସଙ୍ଗେ ଭାବନ୍ତି ‘‘ଲୋକମାନଙ୍କ ନିକଟରେ ବିନମ୍ର ହେବାକୁ’ ଏବଂ ସେହି ବିନମ୍ରତା ଭୁଲ୍ । ଯଥାର୍ଥ ବିନମ୍ରତା ହେଉଛି

ଧର୍ମ

ଧର୍ମ ମାନବସମାଜର ଉଚ୍ଚତର ମନର ଅନ୍ତର୍ଭୁକ୍ତ । ଏହା ହେଉଛି ମଣିଷର ଉଚ୍ଚତର ମନର ତା’ଠାରୁ ଅତୀତ ହୋଇଥିବା କିଛି କଥା, ଯାହାକୁକି ମଣିଷଜାତି ଈଶ୍ଵର କିଂବା ଆତ୍ମା କିଂବା ସତ୍ୟ କିଂବା ବିଶ୍ଵାସ

ସବୁଠାରୁ ଗୁରୁତ୍ୱପୂର୍ଣ୍ଣ ସମର୍ପଣ

ସବୁଠୁ ଗୁରୁତ୍ୱପୂର୍ଣ୍ଣ ସମର୍ପଣ ହେଉଛି ତୁମ ସ୍ୱଭାବର, ତୁମ ସତ୍ତାର ଧାରାର ସମର୍ପଣ ଯାହାଫଳରେ ତାହା ପରିବର୍ତ୍ତନ ହୋଇପାରିବ । ତୁମେ ଯଦି ତୁମ ନିଜ ପ୍ରକୃତିକୁ ସମର୍ପଣ ନ କର ତା’ହେଲେ ସେ

No more posts to show